काठमाडौं। गुल्मीको छत्रकोट गाउँपालिका –४ दिगाममा बृहत् रक्तदान कार्यक्रम सम्पन्न भएको छ । दिगाम युवा संजाल बुटवलको आयोजना तथा गुल्मी दिगाम रुपन्देही सम्पर्क समाज रुपन्देहीको सहआयोजनामा शनिबार एक दिने बृहत् रक्तदान कार्यक्रम सम्पन्न भएको हो ।

छत्रकोट गाउँपलिका ४ दिगाममा अवस्थित आदर्श माध्यमिक विद्यालयमा भएको रक्तदान कार्यक्रमा १२५ युनिट रगत संकलन भएको छ। छत्रकोट गाउँपालिका तथा गाउँपलिकाको वडा नं ४ को कार्यालय दिगाम र नेपाल स्वयंसेवी रक्तदाता समाज जिल्ला शाखा रुपन्देहीको समन्वय उक्त रक्तदान कार्यक्रम सम्पन्न भएको हो।

कम्तीमा १८ वर्ष पूरा भइ ६० वर्ष ननाघेका र ४५ केजी तौल भएका व्यक्ति रक्तदान गर्न सक्षम हुन्छन् ।