काठमाडौं, ३ जेठ। बिहीबार नेपाली बजारमा सुनको भाउले नयाँ रेकर्ड कायम गरेको छ। नेपाल सुनचाँदी व्यवसायी महासंघका अनुसार आज सुनको भाउ तोलामा १६०० रुपैयाँले महँगिएको छ।

जसअनुसार छापावाल सुन भाउ प्रतितोला १ लाख ४० हजार रुपैयाँ र तेजावी सुनको भाउ प्रतितोला १ लाख ३९ हजार ३०० रुपैयाँ कायम गरिएको छ। अघिल्लो दिन अर्थात् बुधबार छापावाला सुनको भाउ प्रतितोला एक लाख ३८ हजार ४ सयमा कारोबार भएको थियो ।

यस्तै, आज चाँदीको भाउ तोलामा ६० रुपैयाँले बढेर एक हजार ८ सय ५ रुपैयाँमा कारोबार भइरहेको छ ।