गुल्मी, २० जेठ। शनिबार रातिको हावाहुरीसहितको वर्षाले गुल्मीको रेसुङ्गा नगरपालिका वडा नम्बर १०, मोहोराईमा एक घरगोठमा क्षति पुगेको छ । रातिको करिब ९ः०० बजेको समयमा तीव्र गतिको हावाहुरी सहितको वर्षाले मोहोराईका विजय कुँवरको घरगोठमा क्षति पुर्याएको हो ।

कुँवरको घरमाथि रहेको पिपलको बोट जरैदेखि पल्टिएर घर च्यापिँदा उनको तीनतले घर पूर्ण रुपमा क्षति भएको छ । जसले गर्दा झण्डै १५ लाख रुपैयाँ बराबरको क्षति भएको वडा नम्बर १० का अध्यक्ष रामबहादुर बस्नेतले बताए ।

घरमा कुँवरसहित चारजनाको परिवार घरमा बस्दै आइरहेका थिए । घटनामा कुनै मानविय क्षति भने भएको छैन ।