गुल्मी, १६ असार। गुल्मीमा पहिरोले घर पुरिदा पाँच जनाको ज्यान गएको छ ।
गुल्मी जिल्लाको मालिका गाउँपालिका–६ कडेलपाटामा भेष बहादुर कामीको ढुङ्गा माटोले बनेको २ तले टिनले छाएको घरमा माथिबाट पहिरो आई घर पुर्ण रुपमा पुरिदा घरमा रहेका ५ जनाको घटनास्थलमै ज्यान गएको हो ।
५५ वर्षीय भेष बहादुर कामी, उनकी बुहारी २६ की सीता बि.क., नातिनिहरु ८ बर्षीय सपना बि.क., ८ महिनाकी बिपना बि.क र उनकी श्रीमती ४८ वर्षीय सुन्तलीको घटनास्थलमै मृत्यु भएको जिल्ला प्रहरी कार्यालयले जनाएको छ ।