काठमाडौं, १६ साउन । काठमाडौं जिल्ला टोखा नगरपालिकामा अवस्थित श्री झोर महाँकाल माध्यमिक विद्यालयले सम्मान तथा अभिभावक दिवस सम्पन्न गरेको छ।
उक्त सम्मान कार्यक्रममा विद्यालयले विभिन्न व्यक्तित्व, शिक्षक, विद्यार्थी, समाजसेवीलाई सम्मान पनि गरेको छ । यसै क्रममा टोखा नगरपालिकाका प्रमुख प्रकाश अधिकारीको हातबाट विद्यालयले वृत्तचित्र निर्देशक, पत्रकार तथा समाजसेवी सानुकाजी थापालाई समेत सम्मान गरेको छ ।
कार्यक्रममा नगर प्रमुख अधिकारीले वृत्तचित्र निर्देशक विद्यालयलाई सहयोग गर्नुहुने पूर्व प्रधानाध्यापक, पूर्व शिक्षक, विभिन्न संघसंस्थाहरुको प्रतिनिधहरु समाजसेवीहरू, विद्यालय व्यवस्थापन समितिका पदाधिकारीहरूसम्मान गरिएको थियो । यसका साथै वडा अध्यक्ष रमेशकुमार लामिछानेले र पुर्व व्यवस्थापन समितिका अध्यक्ष दिपेन्द्र लामिछानेले २०८० सालमा एसर्ईई परीक्षा पास हुनुहुने विद्यार्थी भाईबहिनीहरुलाई समेत सम्मान गरेका थिए ।
उक्त कार्यक्रम टोखा नगरपालिकाका मेयर प्रकास अधिकारीको प्रमुख आतिथ्यतामा र विद्यालय व्यवस्थापन समितिका अध्यक्ष दिल बहादुर तामाङको सभापतित्वमा सम्पन्न भएको थियो । उक्त कार्यक्रममा टोखा नगरपालिकाको नगरपालिकाका शिक्षा प्रमुख, जिल्ला सदस्य राजकुमार विडारी, वडा अध्यक्ष रमेशकुमार लामिछाने, विभिन्न वडाका सदस्यहरु, समाजसेवि, विभिन्न राजनीतदलका प्रतिनिधिहरू, संघसंस्थाको प्रतिनिधिहरू, विभिन्न विद्यालयका प्र.अ तथा शिक्षकलगायत अभिभावकहरुको समेत उलेख्य सहभागिता थियो ।