काठमाडौं, २ भाद्र । आर्थिक क्षेत्रका सक्रिय पत्रकार बिक्रम सुनारको ‘निगाली झाँपो’ बोलको गीत बजारमा आउने भएको छ । चर्चित गायिका प्रिति आले मगर र सुनारको स्वरमा रहेको उक्त गीत भदौ पहिलो साता नै नेपाली संगीत बजारमा आउन लागेको हो ।
अर्थ क्षेत्रमा पत्रकारीताका साथै सांगितक क्षेत्रमा सक्रिय रहँदै आएका सुनारले यसअघि पनि आफ्ना केही गीतहरु बजारमा ल्याइसकेका छन् । गायन यात्रालाई निरन्तरता दिने क्रममा नेपाली गित ‘निगाली झाँपो’ ल्याउन लागेको गायक सुनारले बताए । उनका अनुसार यो मौलिकपनसहितको गीत हो ।
‘निगाली झाँपो’ को लय तथा शब्द सृजना कलाकार भुवन बिकेको रहेको छ । गीतमा भुवन बिकेले नै संगीत संयोजन गरेका छन् । ‘निगाली झाँपो’को मुख्य अभिनयमा चर्चित कलकार अस्मिता रनपाल, यशु भट्टराई, अजय बिके, भुवन बिके, बिक्रम सुनार लगायतलाई देख्न सकिनेछ ।
गीतको म्युजिक भिडियो निर्देशन कमल थापाले गरेका छन् भने छायाङ्कन सुमन थापा र भिडियो सम्पादन विकास थापाले गरेका छन् ।